If Chaos Had a University, It Would Be Called SPPU.

Hey bhiddu log,

kaise ho meri public? 😌
It’s been 10 days… aur haan, mujhe pata hai—
tum logon ko meri life se koi naya tea nahi mila tha.
(Ya phir ye bolu… meri life pe hasne ka mauka nahi mila 🥲)

Oops.
Sach thoda zyada bol diya kya?
Chalo chhodo, jokes apart—
aaj ka tea itna garam hai ki chai ki patti bhi darr jaaye ☕🔥

Toh aate hain main mudde pe—
SPPU management.
Sach bataun?
Aaj tak samajh nahi aaya ki
schedule banata kaun hai aur sochta kaun hai
ya dono kaam alag-alag log bina baat kiye kar rahe hain?

INSEM ke time last paper Pola ki wajah se postpone.
JAAN LE LO BHAI.
Aisa laga jaise Pola ek din pehle SPPU ke kaan mein aake bola ho:

“Kal Pola hai, SPPU ke bacche bail hain 🐂

chhod do, exam baad mein le lena.”

Aur hum?
Hum toh poori padhai karke baith gaye the—
phir mila kya?
👉 2–3 din ka extra gap

ARE YOU FREAKING KIDDING ME??? 😭
Gap mile toh hum padhte nahi,
hum log movie dekhte hai bhaii

Aur jab laga ki chalo inki faltu masti khatam,
tab SPPU ne bola—
“Ruko beta, abhi picture baaki hai.”

Exams ke pehle 25 din ki PLs.
Woh bhi practicals ke baad.

Bhai simple solution tha:
Practicals ke baad 1 week chutti
Bacche padh lete
Sab khush

Par nahi.
SPPU ko pata hai
bacchon ko kaise mentally torture karna hai.
Ye log Netflix nahi,
humari anxiety binge-watch karte hain.

Aur jab laga ab toh bas,
tab SPPU ne final boss move chala.

Exams ke beech mein PLs.
Aur PLs bhi kaunsi?
2 din ki nahi…
SEEDHE 10 DIN KI. ☠️

BC hum karein toh karein kya?
Padhein?
So jaayein?
Existential crisis lein?

Aur exams ke baad wali planning ka kya?
Broooo—

• Pehle holidays: 20 Dec – 5 Jan

• Ab exams khatam: 29 Dec

• College restart: 5 Jan

Toh trip kab plan karein?
New Year kab celebrate karein?
31st ko viva lenge kya? 🎆🤡

Aur jo log Maharashtra ke bahar rehte hain—
tickets book kar chuke,
ghar jaane ke plans bana chuke.

SPPU ko ye sab pata nahi hota?
Ya jaan ke ignore karte hain taaki
students kabhi chain se so na paayein?

Sirf SPPU wale hi samajh sakte hain
meri andar ki aatma
aur wo gaaliyan
jo main mann mein de rahi hoon—
bina bole bhi tum log feel kar rahe hoge 🫂

Meri roommate, jo 10 din se bol rahi thi—
“Ghar jaake ye karungi,
wo karungi,
ye plan hai…”

Bechari direct rone lag gayi 😭
Aur confession time—
life mein pehli baar kisi ko rote dekh ke main hasi hoon 🤡

Kyun?
Kyuki main emotionally strong hoon?
Nahi.
Main gaali deke cope karti hoon 💅

SPPU ne chutti toh de di,
par ye bhi bata dete ki
10 din hum karein kya?

Waise mujhse mat pucho—
mere roommates ko bhaagte dekh
maine bhi 12 ghante travel kar hi liya
aur aa gayi
ghar, mumma ke haath ka khana khane 🥹🍛

Toh milte hain next blog mein.
Abhi ke liye,
mujhe omelette khane do 🍳
aur SPPU ko mann hi mann do gaaliyan 🤍

Tadaaaa ✨🔥