The Real Reason I’m Inactive (and Why You Shouldn’t Worry)

Hey mitro, dosto, yaaro 🌸

You must be thinking ki main itne dino se kahaan gayab thi — kahin SPPU ke tension se tapak-wapak toh nahi gayi? 😌
Relax guys, main bilkul theek hoon. Actually, after a hectic month and almost 2 saal baad, I finally took a break and went on a trip. And yes — life mein pehli baar state ke bahar gayi.

Funny part?
Main Goa jaane wali thi. Pure 2 mahine ki planning, aur end moment pe sab cancel. Aur phir… main Banaras ki galiyon mein khud ko dekhti hoon.
BANARAS.

Honestly, iss city ko explain karne ke liye words ki zarurat hi nahi hai. The travel, the destination, the experience — everything felt magical.
Aur haan, jaise har group mein hota hai, mere paas bhi last moment pe “nahi aa paayenge” bolne wale dost ki kmi nhi hai. Toh main nikal padi akeli — yes, a proper solo trip. And trust me, the experience was just as beautiful as the city itself.

Traveling alone, managing stay, food, and exploring a new city teaches you things no book ever can. “Experience is the best teacher” — yeh line mujhe iss trip pe jaakar samajh aayi.

They say:

“Banaras jaana ek yatra nahi,
ek nimantran hota hai.
Jise bulawa aaye, wahi pahunchta hai.”

And I felt this deeply — because not everyone is a faithful person.

Main general dabbe se travel kar rahi thi. Na reserved seat, na jaane ke 100% chances. Pune se meri eklauti train miss ho gayi thi, but jaana toh tha. Toh Mumbai jaakar wahan se train pakdi — aur kuch acche logon ki wajah se seat bhi mil hi gayi.
Sach hi kehte hain — jab bhagwan ka bulawa aata hai, toh jugaad khud mil jaata hai, babu bhaiya 🙏
I traveled straight 38 hours.

Log kehte hain general dabba safe nahi hota, ganda hota hai, uncomfortable hota hai — but agar dhyaan se dekho, toh wahin life ke sabse real lessons milte hain.
It shows you the raw side of life. It makes you realise that you already live a very comfortable life, yet you keep asking for more.
General dabba teaches you friendship, patience, caring, sharing food, sleep in chaos, happiness in little things — and survival.

Banaras mein maine temples explore kiye, ghats ghoome, Ganga Aarti dekhi, aur Kashi Vishwanath ki Shayan Aarti — jo honestly meri trip ka favourite part thi.
It was devotional, spiritual, and deeply divine.

Agar koi mujhse pooche, “Next time Banaras jaakar kya karogi?”
Mera answer ready hai —
Bas ghats pe baithna hai, aur Shayan Aarti karni hai.

Shayan Aarti basically raat ke time hoti hai, jab Bholenath ke darwaze band hone wale hote hain. Aur fun fact — main aarti start hone ke 2 minute pehle bhagte-bhagte pahunchi thi 😄

Aaj ke liye bas itna hi.
Baaki kahaniyan next blog ke liye bacha rahi hoon — warna tum logon ki excitement kaise bani rahegi? 😉
Aur haan, khaane-peene ki baatein toh maine abhi start bhi nahi ki hain…

Milte hain agle episode mein,
Banaras ki aur yaadon ke saath. 🌸